Leikskólinn Barnabær er vináttuskóli.


Vináttuverkefni Barnaheilla er forvarnarverkefni gegn einelti. Verkefnið er þýtt, staðfært og framleitt í samstarfi við Red barnet – save the Children og Mary Fonden í Danmörku.

Þessu verkefni fylgir bangsinn Blær ásamt því að hvert og eitt barn á sinn eigin hjálparbangsa sem geymdur er í leikskólanum. Einnig fylgja verkefninu spjöld með persónum og atburðum sem við vinnum með í hópavinnu ásamt verkefnum, sögum, nuddhefti og tónlist


Leikskólinn Barnabær byrjaði að vinna með verkefnið í apríl 2018

Markmið Vináttu

  • Að móta jákvæðan skólabrag og viðhalda honum.
  • Að samfélag barnanna einkennist af gagnkvæmu umburðarlyndi og virðingu.
  • Að þróa getu barna til þess að sýna hverju öðru umhyggju og að styðja félaga sína og verja.
  • Að efni og þau gildi sem verkefnið byggir á séu eðlilegur hluti af daglegu lífi og skólastarfi.
  • Að koma í veg fyrir einelti í leiksólum og grunnskólum, með því að starf skólanna, áætlanir og viðhorf tryggi börnum umhverfi þar sem einelti nær ekki að þrífast.
  • Að þróa nýjar aðferðir og verkfæri til forvarna fyrir leikskóla og yngstu bekki grunnskóla.
  • Að stuðla að rannsóknum á einelti

Grunngildin sem unnið er með eru fjögur

1. Umburðarlyndi. Að viðurkenna og skilja mikilvægi og gildi fjölbreytileikans og koma fram við alla af virðingu.

2. Virðing. Að viðurkenna og taka tillit til allra barnanna í hópnum, að vera öllum góður félagi og virða mismunandi hátterni annarra.

3. Umhyggja. Að sýna öllum áhuga, samkennd, samlíðan og hjálpsemi. Að hafa skilning á stöðu annarra.

4. Hugrekki. Að þora að láta til sína heyra og geta sett sér mörk. Að vera hugrakkur og góður félagi sem bregst við óréttlæti.